अनुसन्धाताका चाख पनि अनेक-अनेक । बेलायती अनुसन्धातालाई जान्न मन लाग्यो, चकलेट मीठो कि चुम्बन ।
२० वर्षका युवायुवतीलाई अनुसन्धाताले चकलेट खान दिए, उनीहरूको मुटुको धड्कन र दिमागको संवेदनशीलता जाँचे ।
अर्को दिन उही जोडीलाई एकापसमा चुम्बन गर्न लगायो, फेरि पनि मुटुको धड्कन र दिमागको संवेदनशीलता जाँचियो ।
जाँचपछि अनुसन्धाताले घोषणा गरिदिए, 'चुम्बनभन्दा चकलेटले मुटुको धड्कन बढाउँछ, दिमागलाई संवेदशील बनाउँछ ।' वयस्कको मुटुको सामान्य धड्कन ६० हुन्छ भने चुम्बन गर्दा सयसम्म पुग्छ । तर, मुखमा चकलेट खेलाउँदा धड्कन एक सय ४० सम्म पुग्छ ।
यस्तो अनुसन्धान धेरै युवायुवतीमा गरेपछि मात्र अनुसन्धाताहरू यो निष्कर्षमा पुगेका हुन् । 'अब हामी विनासन्देह भन्न सक्छौँ, 'चकलेटजति मीठो चुम्बन हुनै सक्दैन,' बेलायती डाक्टर डेबिड लेबिसले भने ।
डा. लेबिसका अनुसार चकलेटमा हुने तत्त्वले आफैँमा मिठास दिन्छ भन्नेमा शंकै छैन, तर चलकेट मुखमा राखेर पगाल्दै रस निल्ने हो भने त यसले उत्पन्न गर्ने संवेदशीलता कैयौँ गुणा बढी हुन्छ ।
'चकलेटभित्र नसालु पदार्थ पनि हुन्छ, त्यसले दिमाग लठ्याउँछ भन्ने त थाहा थियो । तर, चुम्बन गरिरहेका युवकको भन्दा पनि बढी धड्कन बढाउँछ भन्ने पुष्टि हुँदा हामी आफँै आश्चर्यचकित छौँ,' अनुसन्धाता डा. लेबिसले भने ।
हुन त पुरुषभन्दा महिलाले बढी चकलेट मन पराउँछन् । तर, शरीरमा प्रतिक्रिया भने बराबरी नै हुन्छ । चुम्बन जसले गर्छ, उसलाई हरेकपटक पहिलेभन्दा आनन्द आउँछ । चकलेटले त त्योभन्दा पनि नयाँ अनुभूति गराउँछ भन्ने अनुसन्धाताहरूको दाबी छ ।
मनोविज्ञानविद्हरूले पनि यो तथ्यलाई पुष्टि गरेका छन् । उनीहरूका अनुसार चकलेटमा फिनालेथिलेमाइन तत्त्व हुन्छ, जसले मुटुको गति बढाउँछ र दिमागमा रोमान्स दिन्छ । त्यसैले त चकलेट खाने बालबालिका र महिला 'एडिक्ट' जस्तै हुन्छन् भन्ने उनीहरूको दाबी छ ।
कोई टिप्पणी नहीं:
एक टिप्पणी भेजें